A indagación é un proceso que se dá no ser humano desde o mesmo momento do seu nacemento. Empeza a investigar o seu medio desde os primeiros momentos no seu contacto co mundo exterior. De feito a infancia, etapa de continuas preguntas, caracterízase pola necesidade do ser humano de comprender o medio no que se desenvolve. Hai unha a predisposición cara á indagación é un trazo inherente ao ser humano. Por tanto parece evidente que na educación, os procesos de ensino e aprendizaxe participen neste mecanismo da indagación para ter un achegamento científico ao proceso de comprender o funcionamento do mundo.
Posiblemente a a metodoloxía didáctica baseada na indagación ten moito que ver coa estrutura da nosa forma de aprender. Unha metodoloxía tradicional baseada na transmisión da información supón unha maior pasividade por parte do alumno. Cando o alumno é o protagonista, recollendo a información e chegando a conclusións por si mesmos posiblemente a aprendizaxe sexa máis enriquecedora e implicará un maior nivel de autonomía. En definitiva estamos a falar de levar o método científico ás aulas. Creo que ensinar ciencia facendo ciencia é unha boa receita. Aínda que tamén debemos ter en conta que non podemos esquecernos da realidade: as nosas programacións, as nosas aulas e posiblemente o sistema educativo en xeral, non son os marcos idóneos para desenvolver novas metodoloxías didácticas. En materias da ESO cunha carga de contidos que non se corresponde á carga horaria legalmente establecida, faise difícil desenvolver estratexias de innovación que non lastren o desenvolvemento formativo do alumnado.
Posiblemente a a metodoloxía didáctica baseada na indagación ten moito que ver coa estrutura da nosa forma de aprender. Unha metodoloxía tradicional baseada na transmisión da información supón unha maior pasividade por parte do alumno. Cando o alumno é o protagonista, recollendo a información e chegando a conclusións por si mesmos posiblemente a aprendizaxe sexa máis enriquecedora e implicará un maior nivel de autonomía. En definitiva estamos a falar de levar o método científico ás aulas. Creo que ensinar ciencia facendo ciencia é unha boa receita. Aínda que tamén debemos ter en conta que non podemos esquecernos da realidade: as nosas programacións, as nosas aulas e posiblemente o sistema educativo en xeral, non son os marcos idóneos para desenvolver novas metodoloxías didácticas. En materias da ESO cunha carga de contidos que non se corresponde á carga horaria legalmente establecida, faise difícil desenvolver estratexias de innovación que non lastren o desenvolvemento formativo do alumnado.
Comentarios
Publicar un comentario